“Jalan-jalan ke Kota Banjar, Mau ketemu sama Neng Sisi. Babe Lulung digoda keluar, tiga partai siap menanti”
PinterPolitik.com
[dropcap]N[/dropcap]cang, Ncing, Enyak, Babe semuanya. Ada yang kenal sama Babe Lulung? Kayanye sih pada kenal semua ye. Ya iyalah orang top markotop di Jakarta karena menjabat jadi Wakil Ketua DPRD.
Mungkin dikenalnya pas rame-rame ngeliat Babe Lulung pake Lambhorgini kali ya? Mobilnya canggih bener yak. Mahal banget kan itu mobil hehehe. Maklum, Babe Lulung kan emang punya profesi yang banyak. Dari Wakil Ketua DPRD, pengusaha, sama advokat juga.
Babe juga sering banget disebut-sebut jadi ‘penguasa’ Tanah Abang. Katanya sih banyak usaha yang dibikin sama Babe disitu, jadi wajar kalo orang-orang pada segen.
Nah, si Babe dulunya emang banyak kegiatan yang berkaitan sama Betawi. Dari aktif di Badan Musyawarah (Bamus) Betawi sampe sekarang juga jadi wakil rakyatnya orang Betawi. Canggih bener Babe.
Babe ini kan emang pertama kali masuk Partai Persatuan Pembangunan (PPP). Partai ini yang bikin Babe jadi wakil rakyat. Kalo warga Jakarta sih pasti masih ingetlah, soalnye Babe selalu kritis pas zamannya Gubernur Ahok. Sampe-sampe pake dimediasi segala sama Kemendagri.
Tapi nih ya, Babe itu gitu-gitu sempet jadi Ketua PPP wilayah Jakarta loh. Ncang, Ncing, Enyak, Babe semuanya percaya kagak?
Harus percayalah. Mau emang digeber pake Lamborghininya? Hehehe. Ampun dah, ampun Beh.
Babe juga katanya ngedukung en peduli banget ama kegiatan ke-Islaman, begitu juga ama kegiatan sosial di Jakarta. Kabarnya, Babe suka turun langsung gitu ke warga, kalo udah ngomongin kegiatan kayak begitu.
Tapi sekarang Babe suka bengong sendirian nih. Lah emang ngapa, Be?
Iyee, si Babe lagi bingung soalnya partainya ini lagi pada berantem. Jadi ada dua kepemimpinan. Babe bingung dah mau milih yang mana.
Haji Lulung Mendapat Tawaran dari Prabowo, SBY, Zul https://t.co/sHcnpGKeb8
— Juraganberita (@Juragan_Berita) November 20, 2017
Tapi, lebih kerennya lagi nih kalo ngomongin Babe, die ditawarin tokoh politik nasional buat bergabung ke partainya. Wah, wah, wah, Babe mau jadi kutu loncat nih ye. Janganlah Beh, udah tua jangan loncat-loncat mulu dah. Ntar encoknya kumat!
Tapi terserah juga sih Beh, asal kuat aje ntar di partai barunya. Itu juga kalo Babe mau nerima lamaran partai lain. Makin bingung dan galau dah Si Babe.
Jangan lupa ya Beh, banyak risikonya kalo mau milih-milih kayak gitu. Pantesan Babe bengong mulu dah kerjanya. Ini ternyata yak sebabnya. Yau dah Beh, pikirin bener-bener dah, daripada ntar malah nyesel. Udeh pindah eh tapi malah kagak jadi apa – apaan. Rugi banget pan Be! (Z19)